Փարիզում մայիսմեկյան ցույցերից հետո 102 մարդ է կալանավորված

• 02.05.2018, 10:28
•  Եվրոպա,  Աշխարհ

REUTERS/Philippe Wojazer

Փարիզում մայիսմեկյան ցույցին հաջորդած անկարգությունների հետևանքով ոստիկանությունը 276 մարդ է ձերբակալել, որոնցից 102-ը կալանքի տակ է վերցվել ոստիկանական տեղամասերում, հայտնում է Le Monde-ը՝ վկայակոչելով ոստիկանության տվյալները:

Փարիզում տեղի ունեցած մայիսմեկյան ցույցի ժամանակ ցուցարաների երթին միացել են սև հագուստով ու դիմակավոր մարդկանց շուրջ 1,2 հազարանոց խումբ, որը սկսել է ավերել խաութների և սրճարանների ցուցափեղկերը, հրկիզել ավտոմեքենա:

Ոստիկանությունը պատասխանել է արցունքաբեր գազի և ջրցանների կիրառմամբ, ինչը հանգեցրել է ոստիկանների և ծայրահեղականների միջև բախումների: