ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ո՞վ է ԱՄՆ Կենտրոնական հետախուզական վարչության առաջին կին ղեկավարը

ԱՄՆ Սենատը պաշտոնապես հավանություն է տվել Ջինա Հասպելի թեկնածությանը՝ Կենտրոնական հետախուզական վարչության (ԿՀՎ) նոր տնօրենի պաշտոնում. նա կդառնա առաջին կին ղեկավարը՝ գործակալության կազմավորումից ի վեր: ԱՄՆ-ի հետախուզության հայտնի վետերանի նշանակումը բավական հակասական արձագանքներ է առաջացրել հանրության շրջանում, նույնիսկ տեղեկություններ են շրջանառվում ահաբեկչության կասկածյալների դաժան հարցաքննությունների մեջ նրա ներգրավվածության մասին:

61-ամյա Հասպելի օգտին իրենց ձայնն են տվել 51 սենատորներ, 43-ը`դեմ: Միևնույն ժամանակ, հիշեցնենք, որ ԿՀՎ-ի նախկին ղեկավար Մայք Պոմպեոն նշանակվել է ԱՄՆ պետքարտուղար:

Հասպելն իր պաշտոնավարման 33 տարիների ընթացքում աշխատել է վարչակազմի կենտրոնակայանում, ինչպես նաև Լոնդոնում: Ջորջ Բուշ Կրտսերի նախագահության ժամանակ նա զբաղվում էր ԱՄՆ-ի գաղտնի բանտերով, այդ թվում` 2001 թ. սեպտեմբերի 11-ից հետո ղեկավարում էր Թայլանդի գաղտնի բանտը:

Հենց այդ փաստը դուրս ելավ նրա դեմ, քանի որ մինչ այժմ ոչ ոք չի կարող հաստատ ասել, արդյոք Հասպելը ևս մասնակցել է տխրահռչակ հարցաքննություններին: Սակայն ԱՄՆ-ի իրավաբաններն ակնարկում են, որ խոշտանգումների հարցում Ջինան բնավ չի զիջում իր մյուս գործընկերներին: Բոլոր աուդիո ձայնագրությունները հետախուզության կողմից ոչնչացվել են ավելորդ հարցերից խուսափելու համար: 

Նախքան նշանակումը Սենատի կոմիտեում հատուկ լսումներ են կայացել, որոնց ընթացքում թեկնածուներին տրվել են իրենց կարիերայի և հետագա գործունեության վերաբերյալ մի շարք հարցեր:

Հանրապետական ​​կուսակցության սենատոր Լինդսի Գրահամի կարծիքով Հասպելը «որակյալ մասնագետ» է, ով բնականաբար ստիպված է եղել օգտագործել նաև այդ ժամանակահատվածում պահանջվող մեթոդները:

Ջեմիլ Ջաֆերը, որն ամերիկյան քաղաքացիական հասարակության նախկին ղեկավարն է, իր Twitter-ում գրել է, որ «Հասպելը բառացիորեն պատերազմական հանցագործ է»:

Ջինա Հասպելի թեկնածությունը սատարվել է ներկայիս և նախկին հետախուզական համայնքի կողմից՝ նրան անվանելով «արդյունավետ ղեկավար», ով կարող է դիմակայել վարչակազմի ճնշմանը:

Նրանք վաղուց սպասում էին ուժեղ և ամուր կամք ունեցող ղեկավարի, ով կարող է նույնիսկ պայմաններ դնել Թրամփի առաջ: Ինչպես կաշխատի ԿՀՎ-ն Հասպելի պաշտոնավարման ընթացքում, ժամանակը ցույց կտա: Սակայն նա կպահպանի հետախուզության բոլոր սկզբունքները ցանկացած պայմաններում, դա քաջ հայտնի է ԱՄՆ բանակում:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 1,03 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: