ԵՐԵՎԱՆ 18 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20,216.75 դրամ ԱՐԾԱԹ - 265.75 դրամ ՊԼԱՏԻՆ - 14,106.34 դրամ

Փաշինյան. Հույս ունենք, որ ԵՄ անդամ երկրները հնարավորինս արագ կվավերացնեն ՀՀ-ի հետ համաձայնագիրը

Հայաստանի վարչապետ Նիկոլ Փաշինյանը հույս ունի, որ Եվրոպական Միության անդամ երկրները հնարավորինս արագ կվավերացնեն Հայաստանի հետ Համապարփակ և ընդլայնված գործընկերության մասին համաձայնագիրը:

Ազգային ժողովում կառավարության հետ հարցուպատասխանի ընթացքում ՀՀ ԱԺ ՀՀԿ խմբակցության պատգամավոր Արմեն Աշոտյանը, հարց ուղղելով վարչապետ Նիկոլ Փաշինյանին, հիշեցրեց, որ Հայաստանը վավերացրել է ԵՄ-ի հետ համաձայնագիրը և հունիսի 1-ից համաձայնագրի անցումային որոշ դրույթներ ուժի մեջ են մտնելու:

«Ակնհայտ է, որ համաձայնագիրը պետք է կյանքի կոչել: Ի՞նչ է արել կառավարությունը, որպեսզի հունիսի 1-ից ուժի մեջ մտնող համաձայնագրի իրականացումը պլանավորվի և կյանքի կոչվի»,- «Արմենպրես»-ի փոխանցմամբ՝ հարցրեց Աշոտյանը:

ՀՀ վարչապետը պատասխանեց, որ  ԵՄ գործընկերների հետ հանդիպման ընթացքում այդ հարցը միշտ պահում են ուշադրության կենտրոնում: «Երկու օր առաջ այդ հարցը քննարկվել է նաև Կիպրոսի Սենատի նախագահի հետ հանդիպմանը: Մենք հույս ունենք, որ ԵՄ գործընկերները հնարավորինս արագ այդ փաստաթուղթը կվավերացնեն»,- ասաց Փաշինյանը:


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 60%
Քամի՝ 22.53 կմ/ժ
18 C°
 
16°  29° 
21.06.2018
18°  30° 
22.06.2018
Հարցում

Սպասվու՞մ է արդյոք լարվածություն ղարաբաղյան սահմանին: