«Չեք կարող ինձ ստորացնել». Գերմանացի լրագրողը հունից հանել է Թուրքիայի ԱԳ նախարարին

• 31.05.2018, 20:41
•  Եվրոպա,  Տարածաշրջան,  Աշխարհ

Գերմանիա այցելած Թուրքիայի արտգործնախարար Մևլութ Չավուշօղլուն հյուրընկալվել է գերմանական «Դոյչե Վելլե» հեռուստաընկերության «Կոնֆլիկտի զոնա» հաղորդմանը: Հաղորդավար Թիմ Սեբաստիանի սուր հարցերն ու մեկնաբանությունները լարվածություն են առաջացրել զրուցակիցների միջև, հաղորդում է Ermenihaber-ը: 

Զայրացած Չավուշօղլուն հաղորդավարին նկատողություն է արել՝ ասելով, որ հարցազրույցն այդպես չեն վարում:

«Հարց եք տալիս, դեռ 2 նախադասություն չասած՝ կտրում եք խոսքս: Տվե՛ք Ձեր հարցը և սպասե՛ք պատասխանի: Ստիպված եք հարգանք ցուցաբերել: Ինձ չեք հարգում, ռեպորտաժն այդպես չեն անում:

…Եթե ցանկանում եք Թուրքիայի արտգործնախարարին ստորացնել, ապա դա Ձեզ մոտ չի ստացվի»,- վրդովվել է Չավուշօղլուն: