Թուրքիան անօդաչու թռչող սարքեր կվաճառի Ուկրաինային

• 05.07.2018, 16:37
•  Տարածաշրջան,  Աշխարհ

Unian

Անկարայում տեղի  է ունեցել  թուրք-ուկրաինական ռազմատեխնիկական համագործակցության հարցերով նիստ։

Դրա ընթացքում ստորագրվել է պաշտոնական Կիևին թուրքական անօդաչու թռչող սարքերի (ԱԹՍ) մատակարարման և համատեղ ձեռնարկություն ստեղծելու վերաբերյալ հուշագիր։ Իր հերթին թուրքական կողմը հետաքրքրություն է ցուցաբերել ուկրաինական «Ան-178» բեռնատար ինքնաթիռների գնման հարցում, փոխանցում է Ermenihaber-ը: 

Բացի վերոնշյալ ԱԹՍ-ներից թուրքական կողմն Ուկրաինայի պաշտպանության նախարարությանը կմատակարարի առաջատար տեխնոլոգիաներ ու կապի ոլորտում ծրագրային ապահովումներ։

Համաձայնություն է ձեռք բերվել ստեղծել  թուրք-ուկրաինական հատուկ բյուրո, որը կզբաղվի զրահապատ մեքենաների շարժիչների արտադրությամբ։

Քննարկվել է նաև համատեղ ռազմական ինքնաթիռներ, տանկեր արտադրելու հարցը։