ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մի՛ խաղացեք կրակի հետ. Իրանի նախագահը Թրամփին նախազգուշացրել է խուսափել պատերազմից

sarpoosh.com

Իրանի նախագահ Հասան Ռոհանին ԱՄՆ-ին նախազգուշացրել է խուսափել Իսլամական Հանրապետության հետ պատերազմից: Ինչպես հայտնում է «ՏԱՍՍ»-ը ` հղում կատարելով «IRNA» գործակալությանը, քաղաքական գործիչն այս մասին ասել է կիրակի Թեհրանում կայացած իրանական արտասահմանյան դիվանագիտական առաքելությունների ներկայացուցիչների հետ հանդիպման ժամանակ:

«Ամերիկացիները պետք է իմանան, որ Իրանի հետ խաղաղությունը խաղաղության բանալին է, իսկ Իրանի հետ պատերազմը՝ բոլոր պատերազմների բանալին»,- հայտարարել է Իրանի նախագահը: «Պետք չէ կրակի հետ խաղալ: Մի՛ խաղացեք կրակի հետ, այլապես կզղջաք»,- ասել է նա՝ դիմելով ԱՄՆ նախագահ Դոնալդ Թրամփին: Ռոհանին նաև նշել է, որ Իրանի ժողովուրդը «երբեք ոչ մեկի առջև չի խոնարհվի»:

Ռոհանին նաև քննադատել է Սպիտակ տան սպառնալիքներն Իրանի տնտեսության դեմ՝ հայտարարելով, որ իրանական նավթի արտահանումն անհնար է կանգնեցնել: Նա նշել է, որ Թեհրանի զինանոցում ԱՄՆ սպառնալիքներին պատասխան գործողությունների մի քանի տարբերակներ կան, այդ թվում՝ Հորմուզի նեղուցի փակումը, որի անվտանգությունը, Ռոհանիի խոսքով, Իրանի ժողովուրդը երաշխավորել է իր ամբողջ պատմության ընթացքում: «Մենք շատ նեղուցներ ունենք, Հորմուզի նեղուցը դրանցից միայն մեկն է»,- հավելել է Իրանի նախագահը:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 28%
    Քամի՝ 1,54 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: