Սփյուռքահայ պատանիներից մեկը կհյուրընկալվի վարչապետի ընտանիքում. նախարար

• 23.07.2018, 10:02
•  Հայաստան

«Քայլ դեպի տուն» ծրագրի մասնակից սփյուռքահայ պատանիներից մեկին իր տանը կհյուրընկալի վարչապետի ընտանիքը: Այս մասին ֆեյսբուքյան տեսաուղերձում հայտնել է Սփյուռքի նախարար Մխիթար Հայրապետյանը: 

«Օգոստոսի 10-ից 24-ը Հայաստանում անցկացվելու է «Քայլ դեպի տուն» ծրագիրը։ Առաջին հատվածը երեխաներն անցկացնելու են հյուրընկալ ընտանիքիներում։ Քանի որ այս տարի մասնակից սփյուռքահայ երեխաների թիվը բավականին մեծ է, հյուրընկալ ընտանիքներ գտնելու խնդիր կա»,- ասել է նախարարը: 

Տեսաուղերձում Աննա Հակոբյանն, իր հերթին, հայտնել է, որ սիրով պատրաստվում  են իրենց ընտանիքում հյուրընկալել այդ երեխաներից մեկին: 

«Հուսանք, եթե ոչ ես ու վարչապետը, ապա մեր երեխաներն անպայման 10 օր շարունակ կհյուրընկալեն մեր հյուրին»,- նշել է վարչապետի կինը։