Միջազգային բարդ իրավիճակում անհրաժեշտ է զարգացնել ռազմատեխնիկական համագործակցությունը ՇՀԿ-ի և ՀԱՊԿ երկրների հետ, ապահովել միութենական պետության պաշտպանունակությունը։ Այս մասին հայտարարել է ՌԴ նախագահ Վլադիմիր Պուտինը, փոխանցում է ՌԻԱ Նովոստին:
«Միջազգային բարդ իրավիճակում անհրաժեշտ է զարգացնել ռազմական և ռազմատեխնիկական համագործակցությունը ՇՀԿ-ի և ՀԱՊԿ անդամ երկրների հետ, հատուկ ուշադրություն դարձնել Ռուսաստանի և Բելառուսի միութենական պետության պաշտպանունակության ամրապնդմանը»,- ասել է Պուտինը ՌԴ պաշտպանության նախարարության կոլեգիայի ընդլայնված նիստին: