Պետդուման լիագումար նիստի ժամանակ կողմ Է քվեարկել Դոնեցկի և Լուգանսկի ժողովրդական հանրապետությունները ճանաչելու վերաբերյալ որոշման նախագծին, փոխանցում է ՌԻԱ Նովոստին:
Քվեարկության են ներկայացվել ՌԴ կոմկուսի և «Միասնական Ռուսաստանի» (ՄՌ) որոշումների նախագծերը. երկրորդը մտադիր Է եղել կոնսուլտացիա անցկացնել ԱԳՆ-ի հետ այն դեպքում, երբ կոմունիստների տարբերակն անմիջապես ուղարկվել Է նախագահին:
Կոմունիստների նախաձեռնության օգտին քվեարկել Է 351 պատգամավոր, դեմ Է հանդես եկել 16 հոգի, իսկ մեկը ձեռնպահ Է մնացել: ՄՌ-ի օգտին քեարկել Է 310 պատգամավոր: Այսպիսով ընտրվել Է առաջին տարբերակը: Ինչպես ճշտել Է խորհրդարանի ստորին պալատի խոսնակ Վյաչեսլավ Վոլոդինը, փաստաթուղթը պետության նախագահին կուղարկեն անհապաղ կերպով:
ՌԴ կոմկուսից խորհրդարանականները հունվարի 19-ին Ռուսաստանի նախագահին ուղղված դիմումի նախագիծ են ներկայացրել Դոնբասի հանրապետությունները որպես անկախ պետություններ ճանաչելու և նրանց ղեկավարության հետ շուտափույթ բանակցություններ անցկացնելու մասին՝ իրավական հիման վրա միջպետական հարաբերություններ ստեղծելու և համագործակցության ու փոխօգնության բոլոր ասպեկտները կարգավորելու համար:
Փետրվարի 14-ին «Միասնական Ռուսաստանից» պատգամավորները Պետդումա ներկայացրեցին ՌԴ կոմկուսի որոշման նախագծի շուրջ ԱԳ նախարարության հետ կոնսուլտացիաների մասին որոշման փաստաթուղթը: Վոլոդինի խոսքով՝ Վաշինգտոնն անտեսում Է լարվածությունը, Եվրոպայի երկրների հետ միասին Ուկրաինային սպառազինություն Է մատակարարում, Կիևը չի կատարում Մինսկի համաձայնագրերը:
Այդ ամենն սպառնալիքներ և ռիսկեր են պարունակում Ռուսաստանի և, համապատասխանաբար, ԴԺՀ-ում և ԼԺՀ-ում ապրող քաղաքացիների կյանքի համար: Ինչպես նախօրյակին ՌԻԱ Նովոստիին հայտնել Է Պետդումայում ՌԴ կոմկուսի խմբակցության առաջնորդ Գենադի Զյուգանովը, իրադրությունն Ուկրաինայում տագնապալի Է և Դումայի նիստում ԴԺՀ-ն և ԼԺՀ-ն ճանաչելու վերաբերյալ նախագահին դիմելու ցանկացած նախագիծի ընդունումը քայլ առաջ Է լինելու: