ՌԴ ԱԳ նախարար Սերգեյ Լավրովը Անթալիայում կհանդիպի Թուրքիայի արտգործնախարար Մևլութ Չավուշօղլուի հետ, ինչպես նաև կմասնակցի Սիրիայի հարցով Աստանայի գործընթացի երաշխավոր երկրների (Ռուսաստան, Իրան, Թուրքիա) եռակողմ հանդիպմանը։ Այս մասին երկուշաբթի օրը հայտարարել է ՌԴ նախագահի Մերձավոր Արևելքի և Աֆրիկայի հարցերով հատուկ ներկայացուցիչ, փոխարտգործնախարար Միխայիլ Բոգդանովը՝ Վալդայ միջազգային քննարկման ակումբի մերձավորարևելյան XI համաժողովի բացմանը, փոխանցում է ՏԱՍՍ-ը:
«Անթալիայում տեղի կունենա երկկողմ հանդիպում մեր նախարարի մասնակցությամբ և Աստանայի գործընթացի երաշխավոր երկրների արտգործնախարարների եռակողմ հանդիպում»,- ասել է նա։