Լոնդոնում հարձակվել են Մեծ Բրիտանիայում Ադրբեջանի դեսպանատան վրա
Լոնդոնում մի խումբ ծայրահեղական ակտիվիստներ հարձակվել են Մեծ Բրիտանիայում Ադրբեջանի դեսպանատան շենքի վրա։ Այս մասին հայտնում են ադրբեջանական լրատվական կայքերն ու ադրբեջանական տիրույթի սոցցանցային հրապարակումները:
Ըստ աղբյուրների փոխանցման, հարձակվողները եղել են «Մահդիի ծառաների միություն» կոչվող շիա մահմեդական կազմակերպության անդամներ։
Լոնդոնի ոստիկանությունը բերման է ենթարկել դեսպանատան վրա հարձակված անձանց։ Կատարվածի առնչությամբ Ադրբեջանի ԱԳՆ-ն Մեծ Բրիտանիայի իշխանություններից պահանջել է ապահովել իր դիվանագիտական ներկայացուցչության և դիվանագետների անվտանգությունը։