Թուրքիայի նախագահ Ռեջեփ Էրդողանը հեռախոսազրույցի ընթացքում Ռուսաստանի նախագահ Վլադիմիր Պուտինին ասել է, որ ռուս-ուկրաինական պատերազմում խաղաղ ջանքերը պետք է ամրապնդվեն միակողմանի հրադադարով և «արդար լուծման տեսլականով», ինչպես հայտնում է NEWS.am-ը, հաղորդում Է Reuters-ը՝ հղում անելով Էրդողանի գրասենյակին։
«Հայտարարության մեջ ասվում է, որ երկու առաջնորդները քննարկել են էներգետիկայի և Սևծովյան միջանցքի հետ կապված հարցերը։ Էրդողանը Պուտինին ասել է, որ անհրաժեշտ է կոնկրետ քայլեր ձեռնարկել Սիրիայի սահմանամերձ տարածաշրջանը քուրդ զինյալներից մաքրելու համար»,-գրում են ԶԼՄ-ները:
«Էրդողանը Պուտինին հայտարարել է Թուրքիայում գազային հանգույց ստեղծելու համար ճանապարհային քարտեզի ձևավորման կոնկրետ քայլերի նպատակադրման մասին։
Այս կապակցությամբ Էրդողանն ուշադրություն է հրավիրել Թուրքիայի էներգետիկ ենթակառուցվածքների զարգացմանն ուղղված ջանքերի վրա։
Անդրադառնալով Ռուսաստանի և Ուկրաինայի միջև պատերազմին՝ Էրդողանը հիշեցրել է երկխոսության առաջմղման նախաձեռնությունների դրական արդյունքների մասին, ինչն արտահայտվել է «հացահատիկային միջանցքի», գերիների լայնածավալ փոխանակման և Զապորոժիեի ԱԷԿ-ի շուրջ անվտանգության գոտու ձևավորման մասին պայմանավորվածությամբ:
«Նա ընդգծել է, որ խաղաղության և երկխոսության կոչերը պետք է աջակցվեն ռազմական գործողությունների միակողմանի դադարեցմամբ և տարաձայնությունների արդարացի կարգավորմամբ:
Թուրքիայի նախագահը նշել է նաև, որ ժամանակն է կոնկրետ քայլեր ձեռնարկել PKK/PYD/YPG ահաբեկիչների դեմ, այդ թվում՝ նրանցից մաքրել սիրիական Թալ-Ռիֆաթ և Մյունբիչ շրջանները։
Շարունակելով սիրիական թեման՝ Էրդողանը նշել է, որ Սիրիայի հարցում կոնկրետ արդյունքների հասնելու համար Բաշար Ասադի ռեժիմը պետք է կառուցողական դիրքորոշում որդեգրի և մի շարք քայլեր իրականացնի քաղաքական գործընթացում»,-գրում են թուրքական ԶԼՄ-ները։