Թուրքիայում տեղի ունեցած երկրաշարժը դարձել է համաշխարհային խոշորագույն աղետներից մեկը։ Այս մասին երեքշաբթի օրը հայտարարել է Թուրքիայի ղեկավար Ռեջեփ Թայիփ Էրդողանը, փոխանցում է ՏԱՍՍ-ը:
Նրա խոսքով՝ Թուրքիայում տեղի ունեցած երկրաշարժից տուժել է ավելի քան 13 միլիոն մարդ։ Թուրքիայի հարավ-արևելքում տեղի ունեցած երկրաշարժի զոհերի թիվը շարունակում է աճել, այն գերազանցել է 3,5 հազարը։
«Մահացածների թիվը շարունակում է աճել, այս պահին զոհերի թիվը հասել է 3549-ի, 22168 մարդ վնասվածքներ է ստացել»,- ասել է նա։
Բացի այդ, ըստ Էրդողանի, որոնողափրկարարական աշխատանքների ընթացքում ավելի քան 8000 մարդ է փրկվել։