ԵԱՏՄ երկրներում կստեղծվի վերաապահովագրական ընկերություն։ Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ին, այս մասին հայտնում է ՌԴ կառավարության մամուլի ծառայությունը:
«Եվրասիական տնտեսական միության (ԵԱՏՄ) երկրներում կստեղծվի Եվրասիական վերաապահովագրական ընկերություն։ Դրա հիմնադրման մասին համաձայնագիրը հավանության է արժանացել ՌԴ կառավարության կողմից ՝ Պետդումայի վավերացմանը ներկայացնելու համար», - ասված է հաղորդագրության մեջ:
Եվրասիական վերաապահովագրական ընկերությունը ԵԱՏՄ երկրների մասնակիցներին կտրամադրի ապահովագրական աջակցություն փոխադարձ և արտաքին առևտրում, կխթանի ներդրումային համագործակցության զարգացումը, կտրամադրի արտահանման վարկեր և կհամագործակցի վարկային գործակալությունների և ապահովագրողների հետ: