Չինաստանի պաշտպանության նախարար Լի Շանֆուն ՌԴ պաշտպանության նախարար Սերգեյ Շոյգուի հրավերով կայցելի Ռուսաստան։ Չինաստանի պաշտպանության նախարարի այցը նախատեսված է ապրիլի 16-19-ը, հաղորդում է Lenta.ru-ն:
Չինաստանի պաշտպանության նախարարության խոսնակ Թան Կեֆեյն ասել է, որ Ռուսաստան այցի ընթացքում Լի Շանֆուն բանակցություններ կվարի ռուս զորահրամանատարների հետ և կայցելի ռազմաուսումնական հաստատություններ։
Մարտի սկզբին Սերգեյ Շոյգուն շնորհավորել էր Լի Շանֆուին Չինաստանի պաշտպանության նախարարի պաշտոնում նշանակվելու կապակցությամբ։ Հեռագրում նա նշել էր, որ ռուս-չինական ռազմական համագործակցությունը «որակապես նոր մակարդակի է հասել»։