Ադրբեջանը զորավարժություններ է անցկացնում Նախիջևանում

 Նախիջևանում տեղակայված Ադրբեջանի ԶՈւ ստորաբաժանումները հրամանատարաշտաբային զորավարժություններ են անցկացնում։ Տեղեկությունը հայտնում են ադրբեջանական լրատվամիջոցները, փոխանցում է Sputnik-ը։

Նշվում է, որ բանակի առանձին միավորումներ դուրս են բերվել մշտական տեղակայման կետերից կենտրոնացման շրջաններ և բերվել են մարտական պատրաստության:

Զորավարժությունների ընթացքում գործի են դրվել հրետանային կայանքներ, համազարկային կրակի ռեակտիվ համակարգեր, ՀՕՊ միջոցներ, ինչպես նաև ուղղաթիռային և անօդաչու ավիացիա: