ԵՄ խորհուրդը մեկ տարով երկարաձգել է Տոյվո Կլաարի լիազորությունները
ԵՄ խորհուրդը մեկ տարով երկարաձգել է Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի լիազորությունները։ Այս մասին հայտնում են Խորհրդի մամուլի ծառայությունից։
Կլաարն այս պաշտոնում նշանակվել է 2017 թվականի նոյեմբերի 13-ին։
Ինչպես նշվում է Խորհրդի ուղերձում, նրա խնդիրն է նպաստել տարածաշրջանում հակամարտությունների խաղաղ կարգավորմանը, մասնավորապես՝ Վրաստանի ճգնաժամին և Լեռնային Ղարաբաղի հակամարտությանը, ինչպես նաև խրախուսել Հայաստանի, Ադրբեջանի և Վրաստանի և, անհրաժեշտության դեպքում, հարևան երկրների հետ տարածաշրջանային համագործակցությունը։