Արժույթի միջազգային հիմնադրամը (ԱՄՀ) հայտարարել է, որ Ռուսաստանի դուրս գալը համաձայնագրից, որը թույլ է տալիս ուկրաինական հացահատիկի արտահանումը Սեւծովյան նավահանգիստներից, կարող է բացասաբար ազդել գլոբալ պարենային անվտանգության վրա եւ հանգեցնել պարենամթերքի գների աճի, հատկապես ցածր եկամուտ ունեցող երկրներում, հաղորդում է ՌԻԱ Նովոստին:
ԱՄՀ ներկայացուցիչն ընդգծել է, որ հիմնադրամը շարունակելու է ուշադիր հետեւել տարածաշրջանում իրադարձությունների զարգացմանը եւ դրանց ազդեցությանը գլոբալ պարենային անվտանգության վրա:
«Նախաձեռնության դադարեցումն ազդում է այն երկրներին պարենի մատակարարումների վրա, որոնք մեծապես կախված են Ուկրաինայից, մասնավորապես, Հյուսիսային Աֆրիկա, Մերձավոր Արեւելք եւ Հարավային Ասիա մատակարարումներից»,-ասել է ԱՄՀ ներկայացուցիչը:
Այս շաբաթ G20-ի անդամ մի քանի երկրներ դատապարտել են ՄԱԿ-ի միջնորդությամբ կնքված Սեւծովյան հացահատիկային նախաձեռնությունից դուրս գալու Ռուսաստանի որոշումը: