«Մինչև վաղը ժամանակ ենք տվել, սպասում ենք». արցախցի ուսանողները կրկին ԿԽՄԿ–ի մոտ են
Արցախցի ուսանողները շարունակում են իրենց բողոքի ակցիան Կարմիր խաչի միջազգային կոմիտեի հայաստանյան գրասենյակի մոտ` ի պաշտպանություն օրեր առաջ առևանգված Վագիֆ Խաչատրյանի։ Sputnik Արմենիայի թղթակիցը տեղից հայտնում է, որ նրանք կանգնած են մուտքի մոտ ու ԿԽՄԿ–ին ժամանակ են տվել իրենց պահանջները բավարարելու համար։
Ավելի վաղ հայտնել էինք, որ հուլիսի 29-ին ադրբեջանական սահմանապահների կողմից առևանգված Վագիֆ Խաչատրյանի դուստրը` Վերա Խաչատրյանը, պահանջում է տեսազանգ ապահովել հոր հետ, որպեսզի անձամբ համոզվի, որ լավ է կամ առհասարակ ողջ է։
«Մենք տեղ չենք գնալու, սպասում ենք։ Ժամանակ ենք տվել նորից, մինչև վաղը սպասում ենք, որ գոնե աղջկան թույլ տան տեսազանգով խոսել հոր հետ»,– Sputnik Արմենիային ասաց ակցիայի մասնակիցներից մեկը։