Պետական այցով Ադրբեջանում գտնվող Ուզբեկստանի նախագահ Շավքաթ Միրզիյոևը կնոջ հետ ժամանել է Ֆիզուլի։ Ազատություն Ռադիոկայանի հաղորդմամբ Ֆիզուլիի օդանավակայանում նրանց դիմավորել են Ադրբեջանի նախագահ Իլհամ Ալիևն ու նրա կինը։ Նրանք միասին մասնակցել են միջնակարգ դպրոցի բացմանը, ծանոթացել նոր կառուցված այլ օբյեկտների:
Շավքաթ Միրզիյոևը լինելու է նաև Շուշիում։ Թուրքիայի նախագահից հետո նա երկրորդ պետության ղեկավարն է, ով այցելում է 44-օրյա պատերազմից հետո Ադրբեջանի վերահսկողությանը անցած տարածքներ։