Արցախի Հանրապետության Նախագահ Բակո Սահակյանն ապրիլի 28-ին ընդունել է Առաջին աշխարհամարտի ժամանակ Օսմանյան կայսրությունում ԱՄՆ դեսպան Հենրի Մորգենթաուի ծոռնուհի, Հարվարդի համալսարանի դասախոս, դոկտոր Պամելա Շտայներին, հայտնում են ԼՂՀ Նախագահի աշխատակազմի տեղեկատվության միջոցների հետ կապերի վարչությունից։
Հանդիպմանն արծարծվել են հայ ժողովրդի և Արցախի պատմությանն առնչվող մի շարք քաղաքական, մարդասիրական և հոգեբանական խնդիրներ:
Նախագահ Սահակյանը նշել է, որ հայ ժողովուրդը մեծ հարգանք է տածում Հենրի Մորգենթաուի նկատմամբ՝ նրա կյանքն ու աշխատանքը դիտարկելով որպես բարձր պրոֆեսիոնալիզմի և բարոյականության չափանիշ:
Հանդիպմանը մասնակցել են արտգործնախարար Կարեն Միրզոյանը, պաշտոնատար այլ անձինք: