Ռուսաստանի Դաշնության նախագահ Վլադիմիր Պուտինը կմասնակցի Բաքվում առաջին Եվրոպական խաղերի բացման արարողությանը, տեղեկացնում է ադրբեջանական APA գործակալությունը:
«Վլադիմիր Պուտինը կմասնակցի առաջին Եվրոպական խաղերի բացման արարողությանը»,- ասել են Կրեմլի մամուլի ծառայությունում: Նշվում է, որ ավելի ուշ Ռուսաստանի նախագահի այցի վերաբերյալ մանրամասն տեղեկություններ կներկայացվեն։
Բաքվում հունիսի 12-28-ն անցկացվելու են պատմության մեջ առաջին Եվրոպական խաղերը, որոնք հետագայում կանցկացվեն չորս տարին մեկ: