Եգիպտոսի իշխանություններն ընդունել են ԱՄՆ Հետաքննությունների դաշնային բյուրոյի (ՀԴԲ) օգնությունը А321-ի կործանման պատճառների հետաքննության անցկացման գործում, հայտնում է BBC-ն:
«Մենք ամերիկացիներից ստացել ենք քննչական խմբի կազմում հետաքննությանը մասնակցելու առաջարկություն և անմիջապես համաձայնել ենք»,- ասել է Եգիպտոսի արտգործնախարար Սամեհ Շուկրին CNN հեռուստաալիքին տված հարցազրույցում:
Կահիրեի դիրքորոշումը նախարարը բացատրել է նրանով, որ ԱՄՆ-ը մասնակցում է Airbus ինքնաթիռների շարժիչների արտադրությանը: