ԵԱՀԿ Մինսկի խմբի համանախագահները ղարաբաղյան հակամարտության շուրջ «հիանալի հանդիպումներ» են ունեցել Նյու Յորքում և Վաշինգտոնում։ Այդ մասին Twitter-ի իր էջում գրառում է կատարել Մինսկի խմբի ամերիկացի համանախագահ Ջեյմս Ուորլիքը։
«Մենք միասնական ենք մեր` որպես միջնորդների աշխատանքում Լեռնային Ղարաբաղի հակամարտության կարգավորման հարցում»,- գրել է Ուորլիքը:
Ավելի վաղ նա գրառում է կատարել` անդրադառնալով Ադրբեջանի կողմից սահմանը հատած Անդրանիկ Գրիգորյանին ԼՂՀ-ին վերադարձնելու փաստին։