Իսրայելը և Պաղեստինի Պետությունը պետք է խաղաղ հարաբերություններ հաստատեն: Այս մասին, ինչպես տեղեկացնում է TACC-ը, ԱՄՆ-ի նախագահ Բարաք Օբաման հայտարարել է Սպիտակ տանն Իսրայելի նախագահ Ռեուվեն Ռիվլինի հետ հանդիպման ժամանակ:
«Իհարկե, չնայած այն բանին, որ այժմ կայուն խաղաղության հեռանկարները կարող են հեռավոր թվալ, կարևոր է շարունակել ջանքերի գործադրումը», - ասել է Օբաման: Նրա խոսքով՝ անվտանգության ոլորտում Իսրայելին աջակցությունը «ԱՄՆ-ի արտաքին քաղաքականության գլխավոր սկզբունքներից մեկն է»:
Հրեական պետության նախագահն իր կողմից ընդգծել է, որ Իսրայելը «չի պայքարում իսլամի դեմ»: «Մենք պայքարում ենք նրանց դեմ, ովքեր գաղափարներն օգտագործում են աշխարհում ծայրահեղականության տարածման և անմեղ մարդկանց համար սպառնալիքներ ստեղծելու համար», - նշել է Ռիվլինը: