Իրաքի վարչապետ Հայդեր Ալ Աբադին հայտարարել է, որ 2016 թվականին ԻՊ ծայրահեղական խմբավորումը երկրի տարածքում լիովին կոչնչացվի։ Խոշոր քաղաք Ռամադիի ազատագրումից հետո հեռուստաուղերձում կառավարության ղեկավարը հայտարարել է, որ իրաքյան բանակի հաջորդ թիրախը կդառնա Մոսուլը, փոխանցում է BBC-ն։
«2015 թվականը ազատագրման տարի էր, իսկ 2016-ը կդառնա մեծ հաղթանակների տարի, երբ Իրաքի ու Միջագետքի տարածքում առկա ԻՊ-ի ողջ ուժերը ոչնչացվեն»,- ասել է Աբադին։
«Մենք կգնանք Մոսուլ՝ ազատագրելու այն, դա մահացու հարված կլինի ԻՊ-ին»,- ասել է նա՝ շնորհավորելով զինվորականներին Ռամադիի վերադարձման կապակցությամբ։
Ռամադին կառավարական հսկողության տակ վերադարձնելը դարձել է իրաքյան բանակի ամենանշանակալի ռազմական հաջողություններից մեկը 2014 թվականից ի վեր, երբ ջիհադականները գրավեցին երկրի տարածքի մեկ երրորդը: