Աբխազիան միացել է Թուրքիայի դեմ սահմանված ռուսական պատժամիջոցներին



Աբխազիայի վարչապետ Արթուր Միկվաբիան որոշում է ստորագրել ընդդեմ Թուրքիայի սահմանված ռուսական պատժամիջոցներին միանալու մասին, փոխանցում է Интерфакс-ը: 

Վարչապետը հանձնարարել է երկրի էկոնոմիկայի նախարարությանը գյուղատնտեսության նախարարության և մաքսային պետական հանձնաժողովի հետ համատեղ մինչև հունվարի 20-ը ներկայացնել առաջարկ ժամանակավոր սահմանափակող միջոցների մշակման վերաբերյալ: Առաջարկը կվերաբերի առանձին ապրանքների ներմուծմանը, որոնց ծագման երկիրը Թուրքիան է:

Փաստաթղթի համաձայն` երկրի էկոնոմիկայի նախարարությունը պետք է միջոցներ ձեռնարկի թույլ չտալու Թուրքիայի իրավասության ներքո գտնվող կազմակերպությունների մասնակցությունը պետպատվերի շրջանակում իրականացվող աշխատանքին:


© armedia.am