Նյու Յորքի նախկին քաղաքապետ, միլիարդատեր Մայքլ Բլումբերգը հաստատել է, որ մտածում է ԱՄՆ նախագահի ընտրություններում իր թեկնածությունն առաջադրելու հնարավորության մասին։
Financial Times-ին տված հարցազրույցում Bloomberg հեղինակավոր լրատվական գործակալության սեփականատերն ընտրություններին իր հնարավոր մասնակցության մասին հարցին պատասխանել է, որ «ուսումնասիրում է բոլոր տարբերակները»։
Առաջին անգամ ընտրություններին Բլումբերգի հնարավոր մասնակցության մասին հայտնի էր դարձել հունվարի վերջին, երբ այդ մասին գրել էր New York Times-ը՝ հղում անելով միլիարդատիրոջ ընկերներին ու խորհրդականներին։
Ենթադրվում է, որ Բլումբերգը կառաջադրվի որպես անկախ թեկնածու և անձամբ կֆինանսավորի իր նախընտրական արշավը։ Նա Հանրապետական կուսակցությունից պաշտոնապես դուրս է եկել 2007 թվականին։