«Իսլամական պետություն» ահաբեկչական խմբավորման գրոհայինները փակել են միակ մայրուղին, որով իրականացվում էին Հալեպի շրջանում սիրիական բանակի մատակարարումները, հայտնում է Al Masdar-ը։
Հեռուստաալիքի տվյալներով՝ ահաբեկիչները փետրվարի 21-ի երեկոյան հարձակվել են Ազգային պաշտպանության ուժերի դիրքերի վրա Հալեպի հարավ-արևելքում գտնվող Ռասմ Ալ-Նաֆալ բնակավայրի շրջանում։ Արդյունքում կառավարական զորքերը ստիպված են եղել նահանջել։
Առաջիկա ժամերին սիրիական բանակի կողմից սպասվում է հակահարձակում։