"Անտեսանելի" կամուրջ` Նիդեռլանդներում

12:54     14 նոյեմբերի, 2011

      Նիդեռլանդներում, ափն ամրացնող բերդի վերակառուցման արդյունքում, կառուցվել է ինքնատիպ մի կամուրջ:

Յուրօրինակ կամուրջը, որը ստացել է "2011-ի լավագույն շինություն" անունը նախագծել է հոլանդական RO & AD ճարտարապետական բյուրոն:       "Անտեսանելի" կամուրջը կառուցվել է հոլանդական Fort de Roovere բերդամասի վերակառուցման արդյունքում: Այն հանդիսանում է 1682 թ.-ին պատկանող ափային ամրացնող միջանցք, որի միջոցով մի քանի քաղաք և գյուղ կապվել են քարե և ավազե պատնեշով:

      Անհրաժեշտության դեպքում պաշտպանությունում, օրինակ պատերազմների ժամանակ, այս պատնեշների օգնությամբ տարածքը լցվում էր ջրով: Շինությունը 19-րդ դարում փլուզվել է և միայն վերջերս վերականգնվել է ` որպես հուշարձան և այցելատեղի:
      "Տրամաբանական չէ կամուրջ կառուցել պատնեշների վրա, հատկապես, երբ այն ձգվում է այնտեղ, որտեղից կարող է թշնամին հայտնվել: Այդ իսկ պատճառով մենք այն դարձրել ենք անտեսանելի",- կատակում են ճարտարապետները:

Տարածությունից կամուրջն իսկապես անտեսանելի է: Նկատելի են միայն անցորդների գլուխները: Միայն մոտենալուց կարելի է տեսնել նեղ փոս:       Հարց է առաջանում`ինչպե՞ս է կամուրջը շարունակում չոր մնալ անձրևի ժամանակ: Դրա համար փոսի երկու կոզմերում կառուցվել են լրացուցիչ պատնեշներ, որոնք հեռանցում են ավելորդ ջուրը: Այդպիսով ջրի մակարդակը միշտ մնում է միևնույն մակարդակի վրա:

14.11.2011