Գյումրեցի Ավետիսյանների ընտանիքի բոլոր 7 անդամների սպանության գործով տուժողի իրավահաջորդները պատրաստվում են քաղաքացիական հայց ներկայացնել ընդդեմ Ռուսաստանի Դաշնության՝ պահանջելով բարոյական վնասի փոխհատուցում: Այդ մասին միջնորդությունը փաստաբան Լուսինե Սահակյանը դատարան կներկայացնի երկու շաբաթ անց՝ դատական հաջորդ նիստին, հայտնում է Ազատությունը:
«Իրենք պետք է հասկանան, որ լուրջ պատասխանատվություն են կրում էստեղ զինվորներ ուղարկելով, նրանց ընտրություն պետք է լինի, և իրականում լավագույնները պետք է այստեղ ծառայեն»,- ասաց փաստաբանը: