Լեհաստանի սենատը (խորհրդարանի բարձրագույն պալատը) առանց ուղղումների ընդունել է նոր հակաահաբեկչական օրենք, հայտնում է լեհական PAP գործակալությունը:
Օրենքը նախատեսում է հատուկ ծառայությունների լիազորությունների զգալի ընդլայնում։ Մասնավորապես այն նախատեսում է զրույցների գաղտնալսման հնարավորություն, գաղտնալսում հաստատություններում, թղթակցության ստուգում, արտասահմանցիների արտաքսում։ Ընդդիմության կարծիքով՝ օրենքը խախտում է քաղաքացիական իրավունքները։
Օրինագծի հեղինակները ակնկալում են, որ օրենքն ուժի մեջ կմտնի մինչ Լեհաստանում ամռանը ՆԱՏՕ-ի գագաթնաժողովի և Երիտասարդության համաշխարհային օրվա անցկացումը։ Օրենքի՝ ուժի մեջ մտնելու համար անհրաժեշտ է նախագահի ստորագրությունը։