Ամերիկյան պաշտոնատար անձանց պատվիրակությունը կմեկնի Թուրքիա քննարկելու իսլամական քարոզիչ Ֆեթուlլահ Գյուլենի արտահանձնման պայմանները, որին Թուրքիայի իշխանությունները մեղադրանք են ներկայացրել հուլիսի 15-ի ռազմական հեղաշրջման փորձը կազմակերպելու մեջ, գրում է թուրքական Hurriyet պարբերականը:
Վերջինիս փոխանցմամբ՝ բանակցությունների համար Թուրքիա կմեկնեն ԱՄՆ արդարադատության նախարարության 3 աշխատակից և մեկ Պետքարտուղարության աշխատակից:
Թուրքիայի արդարադատության նախարարությունից արդեն հայտարարել են, որ պատրաստ են ամերիկացի գործընկերների այցին: Գերատեսչության ներկայացուցիչների խոսքով` իրենք մտադիր են հայց ներկայացնել Գյուլենի արտահանձնման համար և նրա մեղավորության ապացույցներ ներկայացնել: