Թվիթերը բանակցություններ է վարում մի քանի տեխնոլոգիական և մեդիաընկերությունների հետ՝ իր վաճառքի վերաբերյալ: Պոտենցիալ գնորդների թվում է Google-ը և Salesforce.com-ը: Այս մասին, CNBC-ի վրա հղվելով, փոխանցում է gazeta.ru-ն :
Հաղորդվում է, որ միկրոբլոգների ծառայության բաժնետոմսերի գներն աճել են 15 տոկոսով՝ պոտենցիալ վաճառքի մասին տեղեկատվությունից հետո: Դեռ հստակ չէ՝ արդյոք գործարքը կկայանա, բայց աղբյուրներից մեկը հայտնել է, որ մինչև տարեվերջ կարող են ավարտվել ընկերությունը վաճառելու մասին բանակցությունները:
Ավելի վաղ հաղորդվել էր, որ Twitter-ի տնօրենների խորհուրդը պատրաստվում է քննարկել ընկերությունն ամբողջությամբ, կամ առանձին ծառայությունների, հնարավոր վաճառքի մասին հարցը: