Օդում զգացվում է Երրորդ համաշխարհային պատերազմի հոտը: Այս մասին «Комсомольская правда» թերթին տված հարցազրույցում ասել է Սիրիայի նախագահ Բաշար Ասադը:
Ասադի խոսքերով՝ դա տեղի է ունենում, որովհետև Արևմուտքը և հատկապես ԱՄՆ-ը չեն դադարեցրել սառը պատերազմը նույնիսկ ԽՍՀՄ-ի փլուզումից հետո: «Մենք տեսնում ենք հակամարտության սրում, բայց գլխավոր նպատակը աշխարհի նկատմամբ ամերիկյան հեգեմոնիան պահպանելն է, ոչ ոքի թույլ չտալ գործընկեր լինել քաղաքական կամ միջազգային հարթակում, դա լինի Ռուսաստանը կամ նույնիսկ իր դաշնակիցներն Արևմուտքում: Ուստի այդ պատերազմի հոտը, որը Դուք (լրագրող) նկարագրեցիք որպես Երրորդ համաշխարհային պատերազմ, զգացվում է օդում, բայց դա դեռ ուղղակի ռազմական բախում չէ», - ասել է Ասադը: