Ադրբեջանի նախագահ Իլհամ Ալիևը չի բացառում երկրի՝ ԵԱՏՄ-ին անդամակցությունը: Այս մասին Ալիևը հայտարարել է РИА Новости-ին տված հարցազրույցում։
«Այս թեմայով խոսակցություններ վաղուց կան՝ և՛ փորձագիտական հանրության, և՛ տարբեր երկրների քաղաքական էլիտայի շրջանում։ Այսպես կասեմ սկզբունքորեն մենք այսօր շատ վստահ ենք զգում մեզ ներկայիս կարգավիճակում, որում գտնվում ենք։ Իհարկե, եթե Միությունը գրավիչ դառնա, այն շատերին կձգի։ Այնպես որ, ոչինչ բացառել պետք չէ, բայց ներկա փուլը հենց այսպես կգնահատեի», - ասել է Ալիևը։
Ադրբեջանի ղեկավարը նշել է, որ Ադրբեջանը հետաքրքրությամբ հետևում է եվրասիական տիրույթում տեղի ունեցող գործընթացներին։