Հայաստանը 89-րդն է 141 երկրի թվում զբոսաշրջային մրցակցության The Travel & Tourism Competitiveness Report վարկանիշում` տեղ զբաղեցնելով Բոտսվանայի և Հոնդուրասի միջև:
Զբոսաշրջային մրցակցության վարկանիշը հրապարակվում է տարին 2 անգամ «Համաշխարհային տնտեսական համաժողովի» կողմից: Հայաստանը վարկանիշում հավաքել է 3,42 միավոր 7 հնարավորից, որը հավասար է աֆրիկյան Բոտսվանայի ցուցանիշին:
Վարկանիշը կազմվում է 14 գործոնի հիման վրա, այդ թվում` բարենպաստ գործարար ակտիվություն, անվտանգություն, ճանապարհային և ավիացիոն ենթակառուցվածքներ, բնական և մշակութային պաշարներ, գների մակարդակ և մուտքի արտոնագրերի տրամադրման կանոնների խստություն:
Վրաստանը վարկանիշում 71-րդն է, Ադրբեջանը` 84, Թուրքիան և Ռուսաստանը` 44 և 45 տեղերում են համեմատաբար: Իրանը վարկանիշում 97-րդն է:
Վարկանիշի առաջատարներն են Իսպանիան, Ֆրանսիան և Գերմանիան, վատագույն ցուցանիշներն ունեն Անգոլան, Գվինեան և Չադը: