Armenia ավիաընկերությունը մտադիր է դեկտեմբերի 16-ից Վորոնեժից Երևան չվերթներ իրականացնել: РИА Новости-ի փոխանցմամբ՝ այս մասին հայտարարել է Վորոնեժի օդանավակայանի մամուլի ծառայությունը:
Չվերթներն իրականացվելու են Boeing 737-500 ինքնաթիռներով շաբաթը երկու անգամ: Ճանապարհը կկազմի 2 ժամ 10 րոպե: Նշված ուղղությամբ տոմսերի վաճառքն արդեն սկսվել է: Մեկ ուղղությամբ թռիչքի արժեքն առանց ուղեբեռի սկսվում է 49 եվրոյից:
«Armenia ավիաընկերությունը ցանկանում էր Վորոնեժ-Երևան կանոնավոր չվերթները գործարկել հոկտեմբերին: Սակայն փաստաթղթերը համաձայնեցնելու համար փոխադրողին ավելի շատ ժամանակ է պահանջվել, քան ենթադրվում էր»,- ասվում է օդանավակայանի հաղորդագրությունում: