Եգիպտոսում հնագույն քաղաք է հայտնաբերվել (ԼՈՒՍԱՆԿԱՐՆԵՐ)
Հնագետները Եգիպտոսում հնագույն քաղաք են հայտնաբերել, որի տարիքը գնահատվում է ավելի քան 7000 տարի։ Պեղումների վայրում հայտնաբերվել են շենքեր, գործիքներ, կենցաղային և խոհանոցային պարագաներ, ինչպես նաև վիթխարի դամբարաններ, հայտնում է BBC-ն։
Քաղաքը գտնվում է Նեղոսի ափին՝ Սեթի Առաջին փարավոնի տաճարի մոտ Աբիդոսում։
Փորձագետների խոսքով՝ այդ վայրում հայտնաբերված 15 դամբարանների չափսերը վկայում են հուղարկավորվածների բարձր սոցիալական կարգավիճակի մասին։
Ինչպես ենթադրվում է, քաղաքում բնակվել են բարձրաստիճան պաշտոնյաներն ու դամբարաններ կառուցողները։ Դրա ծաղկման շրջանը համընկել է Հին Եգիպտոսի պատմության վաղ շրջանին։
