«Ավրորա» մարդասիրական նախաձեռնության ղեկավար Արման Ջիլավյանի տեղեկություններով՝ հոլիվուդյան աստղ Ջորջ Քլունին 2017 թվականին ևս ժամանելու է Երևան՝ ներկա գտնվելու «Ավրորա» մրցանակաբաշխությանը: Այս մասին նոյեմբերի 30-ին Մատենադարանում լրագրողների հետ հանդիպմանը հայտնեց Արման Ջիլավյանը, փոխանցում է aravot.am-ը:
«Հենց առաջին տարում գործակցելով նրա հետ՝ հասկացանք, որ շատ նորմալ մարդ է, շատ հեշտ է իր հետ աշխատել: Գալով Հայաստան՝ նա 24 ժամ աշխատում է», - նկատեց Ջիլավյանը:
Հիշեցնենք, որ Քլունին այս տարի կայացած առաջին «Ավրորա» մրցանակաբաշխության ժամանակ ղեկավարում էր ընտրող հանձնաժողովը: