Այժմյան Թուրքիայի տարածքում գտնվող Վան քաղաքում հին հայկական տները, որոնք հիմնականում գտնվում են Վանի Բերդի մոտակայքի թաղամասերում, ոչնչացման եզրին են:
Այս մասին փոխանցում է «Արցախպրես»-ը՝ հղում կատարելով Ստամբուլի հայկական պարբերական «ՀայԹերթ»-ին:
Աղբյուրի փոխանցմամբ՝ Վանի պատմական թաղամասերի տների մեծ մասը թեև ոչնչացվել է ցեղասպանությունից հետո, սակայն դեռևս 20 տարի առաջ այս տարածքում կային կանգուն հայկական տներ, մինչդեռ վերջին երկու տասնամյակում դրանք կրել են ահռելի վնասներ և հայտնվել ոչնչացման եզրին:
Ցեղասպանությունից հետո կանգուն մնացած այս թաղամասերը կործանման եզրին են հայտնվել տեղական իշխանությունների անտարբերության պատճառով: