Փետրվարի 14-ին՝ մամուլի ասուլիսի ժամանակ, Հայաստանում Ֆրանսիայի արտակարգ և լիազոր դեսպան Ժան-Ֆրանսուա Շարպանտյեն նշել է, որ Հայաստանի և ԵՄ-ի միջև բանակցությունները եզրագիծ են դուրս եկել:
Ըստ դիվանագետի՝ մոտակա օրերին սպասվում է, որ բանակցությունները կավարտվեն, ինչը համաձայնագրի ստորագրում է ենթադրում:
«Դեռևս մի քանի չհամաձայնեցված դրույթներ կան: Բանակացությունները բավական բարենպաստ պայմաններում են ընթանում»,- նշեց դեսպանը՝ հավելելով, որ առաջիկայում փոխշահավետ համաձայնագիր կստորագրվի:
«Այս կապակցությամբ Ֆրանսիան կարող է միայն գոհունակություն հայտնել՝ լինելով Հայաստանի և ԵՄ-ի հարաբերությունների խորացման կողմնակից»,- նշեց դիվանագետը՝ ընդգծելով, որ համաձայնագրի ստորագրումից հետո կարևոր է տնտեսության, քաղաքականության, ժողովրդավարության զարգացման, իրավական պետության կառուցման ոլորտներում համագործակցության ընդլայնումը: