Գերմանիայի Նյուրնբերգ քաղաքում կայանալիք թուրք-գերմանական ֆիլմերի փառատոնի բացումը վստահվել է աշխարահռչակ պոլսահայ լուսանկարիչ Արա Գյուլերին: Այս մասին գրում է թուրքական «Հյուրրիյեթ» պարբերականը:
Նյուրնբերգի Թաֆելհալլե թատրոնում անցկացվելիք փառատոնի բացմանը Գյուլերը նաև պատվո շքանշան կստանա:
Նշենք, որ մարտի 4-12-ը կայանալիք փառատոնի ընթացքում կցուցադրվի նաև թուրք ռեժիսոր Օսման Օքքանի «Արա Գյուլեր. Ստամբուլի լեգենդ» անունով վավերագրական ֆիլմը: