Շարժայում ընթացող շախմատի ՖԻԴԵ-ի «Գրան Պրի» մրցաշարում երեկ կայացած նախավերջին տուրում Լևոն Արոնյանը սպիտակ խաղաքարերով ոչ-ոքի խաղաց Հիկարու Նակամուրայի (ԱՄՆ) հետ և 4 միավորով 18 մասնակիցների մեջ զբաղեցնում է 11-րդ հորիզոնականը:
Տուրի մյուս պարտիաներում գրանցվեցին այսպիսի արդյունքներ. Գրիշչուկ-Մամեդյարով՝ 1:0, Համմեր-Էլյանով՝ 0:1, Նեպոմնյաշչի-Վաշյե-Լագրավ, Յակովենկո-Ադամս, Լի Չաո-Դին Լիժեն, Հոու Յիֆան-Ռապպորտ, Սալեմ-Վալյեխո, Ռյազանցև-Տոմաշևսկի՝ ոչ-ոքի:
Այսօր եզրափակիչ տուրում Լևոն Արոնյանը սևերով հանդիպելու է Դին Լիժենի հետ: