Աշխարհահռչակ երգչուհի Շեր Սարգսյանը Մեծ Բրիտանիայի կառավարությանը կոչ է արել ճանաչել Հայոց ցեղասպանությունը: 70-ամյա երգչուհին քննադատել է Բրիտանիայի՝ 1915-ի դաժանությունները նկարագրելու համար ցեղասպանություն տերմինը օգտագործելուց հրաժարվելու հանգամանքը, փոխանցում է barrheadnews.com-ը:
Շերը նշել է, որ ԱՄՆ-ի և Մեծ Բրիտանիայի կառավարությունները չեն ճանաչել Ցեղասպանությունը, քանի որ Հայաստանը ոչինչ չունի նրանց տալու»:
«Մենք փոքր ենք: Հայաստանը դեպի ծով ելք չունի: Մենք նավթ չունենք: Մենք նրանց տալու ոչինչ չունենք: Որքա՞ն ժամանակ է պետք՝ Ցեղասպանությունը ճանաչելու համար»,- «Խոստում» ֆիլմի պրեմիերայի ժամանակ Press Association-ի հետ զրույցում ասել է Շերը:
Երգչուհին նշել է, որ հայերը չունեն այն,ինչը կհետաքրքրեր այս երկրներին. «Կարելի է կարծել, որ նրանք դա կանեն իրենց բարության շնորհիվ»:
Հարցին, թե հույս ունի՞, որ Դոնալդ Թրամփը կճանաչի ցեղասպանությունը, Շերը պատասխանել է. «Ո՛չ»: