ԱՄՆ Անկախության օրվա առթիվ հանգստյան 4 օրերի ընթացքում Չիկագոյում ավելի քան 100 մարդ է վիրավորվել՝ այդ թվում նաև մահացու, անկանոն հրաձգությունների արդյունքում։ Ինչպես կարծում է ոստիկանությունը, հրաձգություններն իրականացրել են տեղի բանդաների ներկայացուցիչները, հայտնում է BBC-ն։
Չիկագոյի իշխանությունները քաղաքի ամենախնդրահարույց՝ հարավային և արևմտյան ծայրամասեր են ուղարկել ոստիկանության հավելյալ 1000 աշխատակցի, ովքեր, սակայն, չեն կարողացել հանդարտեցնել շարունակվող անկարգությունները։
ԱՄՆ նախագահ Դոնալդ Թրամփն օրերս հայտարարել է, որ Չիկագոյի ոստիկանությանն օգնության կուղարկի ՀԴԲ գործակալներին՝ վերջ տալու հանցավոր խմբավորումերի բախումներին, որոնց զոհն են դառնում պատահական անցորդները։