Եվրահանձնաժողովը պահանջում է արտակարգ հանդիպում գումարել ձվերի բաղադրության մեջ ֆիպրոնիլ հայտնաբերելու հետ կապված։ Այս մասին ուրբաթ, օգոտսոսի 11-ն հայտարարել է առողջապահության և սննդամթերքի անվտանգության հարցերով եվրահանձնակատար Վիտյանիս Անդրյուկայտիսը, փոխանցում է DW-ն։
Նիստին պետք է մասնակցեն համապատասխան նախարարությունների ղեկավարները և այն երկրների ներկայացուցիչները, որտեղի սննդամերքում հայտնաբերվել է քիմիկատը։ Միջոցառումը տեղի կունենա, երբ Բրյուսելը տիրապետի տվյալ միջադեպի վերաբերյալ անհրաժեշտ տեղեկությանը, նշել է Եվրահանձնաժողովի անդամը։
Հանդիպումը տեղի կունենա մինչև սեպտեմբերի վերջ։
Գերմանիայի պարենամթրեքի և գյուղատնտեսության նախարար Քրիտիան Շմիտդի խոսքով՝ այս պարագայում խոսքը կարող է լինել «հանցագործ մեքենայությունների» մասին։ Բելգիայում արգելված միջատասպանը, ամենայն հավանականությամբ, թույլատրելի բուսական միջոցին հավելել են հաստատությանը վարակազերծելու համար, որտեղ հավեր են պահում։ Նիդրլանդներում թունաքիմիկատը տարածել է տեղի ֆիրմաներից մեկը։
Գերմանիա հարևան երկրներից ֆիպրոնիլով վարակված 11 մլն հավի ձվեր են ներկրվել։