ՄԱԿ-ի Գլխավոր Վեհաժողովի՝ 1999 թվականի դեկտեմբերի 17-ի որոշմամբ, օգոստոսի 12-ը Երիտասարդության միջազգային օր է հռչակվել: Հարցը քննարկվել է 1998 թվականի օգոստոսի 12-ին Լիսաբոնում անցկացված Երիտասարդության հարցերի նախարարների համաշխարհային համաժողովի ժամանակ:
Առաջին անգամ տոնը նշվել է 2000 թվականի օգոստոսի 12-ին: Այն նպատակ ունի բարձրացնել երիտասարդությանն ուղղված համաշխարհային ծրագրերի գործողության մասին տեղեկացվածությունը:
Ըստ ՄԱԿ-ի դասակարգման՝ երիտասարդ են համարվում 15-ից 24 տարեկանները։ Հիմա երիտասարդների թիվը կազմում է մոտ 1․2 մլրդ մարդ, կամ աշխարհի բնակչության 18 տոկոսը։