Անցած տարի ոստիկանների հետ բախումների ժամանակ Քալիֆորնիայում սպանվել է ավելի քան 150 մարդ։ Այս մասին է վկայում նահանգի գլխավոր դատախազի զեկույցը, հայտնում է News.am-ը։
Ըստ այդ զեկույցի՝ ոստիկանները 2016-ին ուժ են գործադրել 782 միջադեպերի ժամանակ ու դրանցից 55-ը գրանցված են եղել Լոս Անջելեսի օկրուգում։
Գրեթե բոլոր 55 դեպքերը ներառվել են Los Angeles Times թերթի տվյալների բազայում։ Այդ բազայում հիշատակված է նաև 45-ամյա Գևորգ Ալաչաջյանը, ում մարտի 13-ին էին սպանել Գլենդեյլում։ Այլ մանրամասներ չեն հայտնում։