Օգոստոսի 20-ից 26-ն ընկած ժամանակահատվածում արցախա-ադրբեջանական սահմանին նախորդ շաբաթներին հաստատված հարաբերական հանգիստ իրադրությունը պահպանվել է, հայտնում է Արցախի պաշտպանության նախարարության մամուլի ծառայությունը:
Նշված ժամանակահատվածում, տարբեր տրամաչափի հրաձգային զինատեսակներից հակառակորդը խախտել է հրադադարի պահպանման ռեժիմը՝ շուրջ 160 անգամ, հայկական դիրքերի ուղղութամբ արձակելով ավելի քան 2000 կրակոց:
ՊԲ-ի առաջապահ զորամասերը այդ ընթացքում շարունակել են սահմանված կարգի համաձայն տանել մարտական հերթապահություն և տիրապետել օպերատիվ-մարտավարական իրադրությանը: